JUN 11 EVENING

சங்கீதம் 76:3

அங்கேயிருந்து வில்லின் அம்புகளையும், கேடகத்தையும், பட்டயத்தையும், யுத்தத்தையும் முறித்தார். (சேலா.)

சங்கீதம் 76:3

அங்கேயிருந்து வில்லின் அம்புகளையும், கேடகத்தையும், பட்டயத்தையும், யுத்தத்தையும் முறித்தார். (சேலா.)
Kirubai Sathiyam logo
கிருபை சத்தியம்
Your browser does not support audio playback. Download the file here.

"அங்கே வில்லின் அம்புகளையும், கேடயத்தையும், பட்டயத்தையும், யுத்தத்தையும் முறித்தார்" (). நம்முடைய மீட்பரின் மகிமையான, "முடிந்தது" () என்ற அலறல், அவருடைய ஜனங்களின் சத்துருக்கள் யாவருக்கும் மரண ஓசையாயும், "வில்லின் அம்புகளையும், கேடயத்தையும், பட்டயத்தையும், யுத்தத்தையும் முறிப்பதாகவும்" இருந்தது. கல்வாரியின் வீரன் தன் சிலுவையை அடைகல்லாகவும், தன் வேதனைகளைச் சுத்தியலாகவும் பயன்படுத்தி, நம்முடைய பாவங்களாகிய நச்சு "வில்லின் அம்புகளை" மூட்டை மூட்டையாய் நொறுக்கித் தூளாக்குவதைப் பாருங்கள்; ஒவ்வொரு குற்றச்சாட்டையும் மிதித்து, ஒவ்வொரு வழக்கையும் அழிப்பதைப் பாருங்கள். கட்டுக்கதைகளில் வரும் தோரின் (Thor) ஆயுதத்தைக் காட்டிலும் மகா கனமான சுத்தியலால் பராக்கிரமமுள்ள முறிப்பவர் எப்பேர்ப்பட்ட மகிமையான அடிகளைக் கொடுக்கிறார்! பிசாசின் அம்புகள் எப்படித் துண்டு துண்டாய்ப் பறக்கின்றன, நரகத்தின் கேடயங்கள் குயவனின் மண்பாண்டங்களைப் போல எப்படி முறிந்து போகின்றன! பாருங்கள், சாத்தானிய வல்லமையின் திகிலூட்டும் பட்டயத்தை நரகத்தின் வேலைப்பாடுகள் நிறைந்த அதன் உறைக்குள்ளிருந்து அவர் வெளியே இழுக்கிறார்! ஒரு மனிதன் விறகுக் கட்டின் காய்ந்த மரத்தை முறிப்பது போல, அவர் அதைத் தன் முழங்காலில் வைத்து முறித்து, அதை அக்கினிக்குள்ளே எறிகிறார். பிரியமானவர்களே, விசுவாசியின் எந்தப் பாவமும் இப்போது அவனைக் கொடூரமாய்க் காயப்படுத்தும் அம்பாக மாற முடியாது, எந்த ஆக்கினைத்தீர்ப்பும் இப்போது அவனைக் கொல்லும் பட்டயமாக மாற முடியாது, ஏனெனில் நம்முடைய பாவத்தின் ஆக்கினையை கிறிஸ்து சுமந்து தீர்த்தார், நம்முடைய ஆசீர்வதிக்கப்பட்ட பிரதிநிதியும் பிணைப்பாளருமானவராலே நம்முடைய எல்லா அக்கிரமங்களுக்கும் பூரண பாவநிவிர்த்தி நடப்பிக்கப்பட்டது. இப்போது குற்றம் சாட்டுகிறவன் யார்? இப்போது ஆக்கினைக்குள்ளாகத் தீர்க்கிறவன் யார்? கிறிஸ்து மரித்தார், ஆமாம், அவரே உயிர்த்தெழுந்தும் இருக்கிறார். இயேசு நரகத்தின் அம்புக் கூடுகளைக் காலி செய்து, எரியும் ஒவ்வொரு அம்பையும் அவித்து, கோபாக்கினையின் ஒவ்வொரு அம்பின் முனையையும் முறித்துப்போட்டார்; பூமி நெடுகிலும் நரகத்தின் யுத்த ஆயுதங்களின் துண்டுகளும் எச்சங்களும் சிதறிக் கிடக்கின்றன, அவைகள் கடந்த கால ஆபத்துகளையும், நம்முடைய மாபெரும் விடுதலையையும் நமக்கு நினைவூட்ட மாத்திரமே நம் கண்களுக்குத் தெரிகின்றன. பாவம் இனி நம்மேல் ஆளுகை செய்யாது. இயேசு அதை ஒழித்து, என்றென்றைக்குமாய் நீக்கிப்போட்டார். ஓ சத்துருவே, அழிவுகள் என்றென்றைக்குமாய் முடிவடைந்தன. கர்த்தருடைய ஆச்சரியமான கிரியைகளைப் பற்றிப் பேசுங்கள், அவருடைய நாமத்தைக் கீர்த்திப்பண்ணுகிறவர்களே, பகலிலும் சரி, சூரியன் மறைந்து இளைப்பாறச் செல்லும்போதும் சரி மௌனமாய் இராதிருங்கள். என் ஆத்துமாவே, கர்த்தரை ஸ்தோத்திரி.

சார்ல்ஸ் ஸ்பர்ஜனின் காலை மற்றும் மாலை தியானங்கள்.