JUN 16 EVENING

சங்கீதம் 27:1

கர்த்தர் என் வெளிச்சமும் என் இரட்சிப்புமானவர், யாருக்குப் பயப்படுவேன். கர்த்தர் என் ஜீவனின் பெலனானவர். யாருக்கு அஞ்சுவேன்?

சங்கீதம் 27:1

கர்த்தர் என் வெளிச்சமும் என் இரட்சிப்புமானவர், யாருக்குப் பயப்படுவேன். கர்த்தர் என் ஜீவனின் பெலனானவர். யாருக்கு அஞ்சுவேன்?
Kirubai Sathiyam logo
கிருபை சத்தியம்
Your browser does not support audio playback. Download the file here.

"கர்த்தர் என் வெளிச்சமும் என் இரட்சிப்புமானவர், யாருக்குப் பயப்படுவேன்? கர்த்தர் என் ஜீவனின் பெலனானவர், யாருக்கு அஞ்சுவேன்?" (). இங்கே தனிப்பட்ட உரிமைப்பாராட்டு இருக்கிறது, "என் வெளிச்சம்," "என் இரட்சிப்பு;" ஆத்துமா அதில் நிச்சயமடைந்திருக்கிறது, எனவே அதைத் தைரியமாய் அறிவிக்கிறது. மறுபடி ஜெநிப்பிக்கப்படும்போது இரட்சிப்பின் முன்னோடியாகத் தெய்வீக வெளிச்சம் ஆத்துமாவுக்குள் ஊற்றப்படுகிறது; நம்முடைய சொந்த அந்தகாரத்தை வெளிப்படுத்தவும், கர்த்தராகிய இயேசுவிற்காக நாம் வாஞ்சிக்கச் செய்யவும் போதுமான வெளிச்சம் எங்கே இல்லையோ, அங்கே இரட்சிப்பின் அத்தாட்சி இல்லை. மதம் மாறிய பின்பு நம்முடைய தேவன் நம்முடைய மகிழ்ச்சி, ஆறுதல், வழிகாட்டி, போதகர், மற்றும் எல்லா அர்த்தத்திலும் நம் வெளிச்சமாய் இருக்கிறார்: அவர் நமக்குள்ளே வெளிச்சமாய் இருக்கிறார், நம்மைச் சுற்றிலும் வெளிச்சமாய் இருக்கிறார், நம்மிடமிருந்து பிரதிபலிக்கும் வெளிச்சமாய் இருக்கிறார், நமக்கு வெளிப்படப் போகும் வெளிச்சமாய் இருக்கிறார். கர்த்தர் வெளிச்சத்தைத் தருகிறார் என்று மாத்திரம் சொல்லப்படவில்லை, மாறாக அவரே வெளிச்சமாய் இருக்கிறார் என்றும்; அவர் இரட்சிப்பைத் தருகிறார் என்று மாத்திரம் அல்ல, அவரே இரட்சிப்பாய் இருக்கிறார் என்றும் கவனியுங்கள்; அப்படியிருக்க, விசுவாசத்தினாலே தேவனைப் பற்றிக்கொண்டவன் உடன்படிக்கையின் எல்லா ஆசீர்வாதங்களையும் தன் சுதந்தரமாய்க் கொண்டிருக்கிறான். இது ஒரு உண்மையாக நிச்சயிக்கப்பட்ட பின்பு, அதிலிருந்து பெறப்படும் வாதம் ஒரு கேள்வியாக முன்வைக்கப்படுகிறது, "யாருக்குப் பயப்படுவேன்?" அந்தக் கேள்வியே அதற்குரிய பதிலாய் இருக்கிறது. அந்தகாரத்தின் வல்லமைகளுக்குப் பயப்படத் தேவையில்லை, ஏனெனில் நம் வெளிச்சமாகிய கர்த்தர் அவைகளை அழிக்கிறார்; நரகத்தின் ஆக்கினைத்தீர்ப்பைக் கண்டு நாம் அஞ்சத் தேவையில்லை, ஏனெனில் கர்த்தரே நம்முடைய இரட்சிப்பு. பெருமைக்காரனான கோலியாத்தின் சவாலிலிருந்து இது முற்றிலும் வித்தியாசமானது, ஏனெனில் இது மாம்சப் புயத்தின் வீம்பான பலத்தின் மேல் சார்ந்திருக்காமல், சர்வவல்லமையுள்ள யெகோவா என்னும் "இருக்கிறவராகவே இருக்கிறேன்" என்பவரின் உண்மையான வல்லமையின் மேல் சார்ந்திருக்கிறது. "கர்த்தர் என் ஜீவனின் பெலனானவர்." எழுதுகிறவனுடைய நம்பிக்கை முறிக்கப்பட முடியாத மூன்று நரம்புகள் கொண்ட கயிறினால் கட்டப்பட்டிருக்கிறது என்பதைக் காண்பிக்க, இதோ மூன்றாவது ஒளிரும் பட்டம் (சங்கீதம் 23). கர்த்தர் கிருபையின் கிரியைகளைத் தாராளமாய் வாரி வழங்கும்போது, நாமும் துதியின் வார்த்தைகளை ஏராளமாய்ச் சேர்க்கலாம். நம்முடைய ஜீவன் தன் முழு பலத்தையும் தேவனிடமிருந்தே பெறுகிறது; அவர் நம்மைப் பலப்படுத்தச் சித்தமாய் இருந்தால், சத்துருவின் எல்லாத் தந்திரங்களினாலும் நாம் பலவீனமடைய முடியாது. "யாருக்கு அஞ்சுவேன்?" இந்தத் தைரியமான கேள்வி தற்போதைய காலத்தை மாத்திரமல்ல, எதிர்காலத்தையும் நோக்கிப் பார்க்கிறது. "தேவன் நம்முடைய பட்சத்திலிருந்தால்," இப்போதோ அல்லது வரப்போகும் காலத்திலோ நமக்கு விரோதமாய் இருப்பவன் யார்? ().

சார்ல்ஸ் ஸ்பர்ஜனின் காலை மற்றும் மாலை தியானங்கள்.