AUG 30 EVENING

எரேமியா 17:14

கர்த்தாவே, என்னைக் குணமாக்கும், அப்பொழுது குணமாவேன்; என்னை இரட்சியும், அப்பொழுது இரட்சிக்கப்படுவேன்; தேவரீரே என் துதி.

எரேமியா 17:14

கர்த்தாவே, என்னைக் குணமாக்கும், அப்பொழுது குணமாவேன்; என்னை இரட்சியும், அப்பொழுது இரட்சிக்கப்படுவேன்; தேவரீரே என் துதி.
Kirubai Sathiyam logo
கிருபை சத்தியம்
Your browser does not support audio playback. Download the file here.

"ஆண்டவரே, என்னைச் சுகமாக்கும், அப்பொழுது சுகமடைவேன்" (). "அவனுடைய வழிகளை நான் கண்டு, அவனைச் சுகமாக்குவேன்" (). ஆவிக்குரிய வியாதியை நீக்குவது தேவனுடைய விசேஷித்த அதிகாரம் மட்டுமே ஆகும். சுபாவமான வியாதிகள் மனிதர்களால் கருவியாகக் குணமாக்கப்படலாம், ஆனால் அதிலும்கூட மருந்துகளுக்குச் சக்தியைத் தந்து, மனிதச் சரீரம் வியாதியிலிருந்து விடுபட வல்லமையை அளிக்கிற தேவனுக்கே கனம் செலுத்தப்பட வேண்டும். ஆவிக்குரிய வியாதிகளைப் பொறுத்தவரை, அவைகள் மகா பெரிய வைத்யரிடம் மட்டுமே இருக்கின்றன; அவர், "நானே கொல்வதும் உயிர்ப்பிக்கிறதுமாய் இருக்கிறேன்; நானே காயப்படுத்துவதும் குணமாக்குவதும் இருக்கிறேன்" என்று கூறி அதைத் தமது விசேஷித்த அதிகாரமாக உரிமை பாராட்டுகிறார்; மேலும் தேவனுடைய உன்னதமான நாமங்களில் ஒன்று யெகோவா-ரொப்பா, அதாவது உன்னைக் குணமாக்கும் கர்த்தர் என்பதாகும் (). "உன்னுடைய காயங்களைக் குணமாக்குவேன்" என்பது மனிதனின் உதடுகளிலிருந்து வராத, நித்திய தேவனின் வாயிலிருந்து மாத்திரம் வரக்கூடிய ஒரு வாக்குத்தத்தமாகும். இதற்காகவே சங்கீதக்காரன் கர்த்தரை நோக்கிக் கூப்பிட்டான், "கர்த்தாவே, எனக்கு இரங்கும்; என் ஆத்துமாவைச் சுகமாக்கும், நான் உமக்கு விரோதமாய்ப் பாவஞ்செய்தேன்" என்றார் (). இதற்காகவே, பரிசுத்தவான்களும் கர்த்தருடைய நாமத்தைப் போற்றி, "அவர் நம்முடைய நோய்களையெல்லாம் குணமாக்குகிறார்" என்று கூறுகிறார்கள் (). மனிதனை உண்டாக்கினவரால் மனிதனை மறுபடியும் உருவாக்க முடியும்; நம் சுபாவத்தை முதலில் சிருஷ்டித்தவரால் அதை மறுபடியும் சிருஷ்டிக்க முடியும். இயேசுவின் ஆளுமையில் "தேவத்துவத்தின் பரிபூரணமெல்லாம் சரீரப்பிரகாரமாக வாசமாயிருக்கிறது" என்பது எப்பேர்ப்பட்ட மேலான ஆறுதலாய் இருக்கிறது! (). என் ஆத்துமாவே, உன்னுடைய வியாதி எதுவாயிருந்தாலும், இந்த மகா பெரிய வைத்யரால் உன்னைக் குணமாக்க முடியும். அவர் தேவனாய் இருந்தால், அவருடைய வல்லமைக்கு எல்லை இருக்க முடியாது. எனவே பலவீனமான புத்தியின் குருட்டுத் கண்ணோடு வா, சோர்ந்துபோன பலனின் முடமான காலோடு வா, பலவீனமான விசுவாசத்தின் ஊனமான கையோடு வா, கோபமான சுபாவத்தின் ஜூவாலையோடு வா, அல்லது நடுங்கும் விரக்தியின் நடுக்கத்தோடு வா, நீ எப்படி இருக்கிறாயோ அப்படியே வா, ஏனெனில் தேவனாய் இருக்கிறவரால் உன்னுடைய வாதையிலிருந்து உன்னை நிச்சயமாக மாற்ற முடியும். இயேசு நம்முடைய ஆண்டவரிடமிருந்து புறப்படும் குணமாக்கும் வல்லமையை யாராலும் தடுத்து நிறுத்த முடியாது. பிரியமான வைத்யரின் வல்லமையைச் சொந்தமாக்கிக் கொண்ட பிசாசுகளின் சேனைகள் உண்டு, அவர் ஒருமுறைகூடத் தோற்கடிக்கப்பட்டதில்லை. அவருடைய நோயாளிகள் யாவரும் கடந்த காலத்தில் குணமாக்கப்பட்டிருக்கிறார்கள், எதிர்காலத்திலும் குணமாக்கப்படுவார்கள், இன்று இரவு நீ உன்னை அவரில் மாத்திரம் சார்ந்து கொள்வாயானால் நீயும் அவர்களில் ஒருவனாய் இருப்பாய்.

சார்ல்ஸ் ஸ்பர்ஜனின் காலை மற்றும் மாலை தியானங்கள்.